1996an hasi ginen baserrian sortzen genuen esnearekin esnekiak elaboratzen, lehenik gaztak, ondoren etorri ziren jogurtak, izozkiak eta bestelako postreak. Baserritik modu naturalean sortzen diren produktuak merkaturatzea izan da betidanik gure helburua eta horrela 2003an haragiak prestatu ahal izateko instalazioak egokitu genituen. Modu honetan gure eskaintza handituz joan gara: esnea, gaztak, jogurtak, txerriki fresko eta onduak, hestebeteak eta azkenekoz izozkiak.
Ardi produktuak ere baditugu, Txandaka markarekin merkaturatzen ditugunak. Mahalan daukagun filosofia kontutan izanik, bertako ekoizleen ardi-esnea eta bestelako produktuak gure baserrira ekarri eta bertan ekoizten dugu, adibidez, Txandaka izenarekin merkaturatzen dugun mamia. Baita ardi esne gordina eta baserriko arrautzak ere.
Mahalatik eskaini nahi dugun produktuen gama osatze aldera inguruko ekoizleekin elkarlanean Idiazabal jatorri-deitura duen Orexa gazta ere merkaturatzen dugu. Ardi esne gordinez egindako eta sei hilabetez ondutako gazta ondu naturala eta ondu ketua merkaturatzen ditugu.
Ardi produktuak ere baditugu, Txandaka markarekin merkaturatzen ditugunak. Mahalan daukagun filosofia kontutan izanik, bertako ekoizleen ardi-esnea eta bestelako produktuak gure baserrira ekarri eta bertan ekoizten dugu, adibidez, Txandaka izenarekin merkaturatzen dugun mamia. Baita ardi esne gordina eta baserriko arrautzak ere.